2011年4月20日 爸爸撞穿頭

昨日黃昏(接近六時), 在街上收到爸爸CALL, 撞穿頭,  流了好多血, 嘩! 嚇死我, 心想我係米要CALL 白車, 但都係飛奔回家, 睇下爸爸如何, 家裡到處血跡斑斑, 爸爸個頭流緊血, 好似我當年仆倒, 衫都好多血, 首先去私家診所, 但那裡的護士叫爸爸去急證室, 我就陪爸爸打的到聖保祿醫院, 爸爸說無暈, 無嘔, 又行得路, 唔想坐白車. 又說去政府醫院有排等.

去到ST PAUL, 只有門診, 沒有急症, 我幫爸爸證記, 那兒護士幫爸爸洗傷口, 雖然爸爸依然流血, 但都已流得少左, 我們等了好幾位病人 (六個左右). 李醫生 (門口及咭片都寫是家庭醫生),  看看爸爸的傷口, 一CM長, 腫左, 肉爆左, 李醫生問爸爸有無買保險, 我說沒有, 李醫生說在此處縫針要二千多元, 要不要寫紙讓我們去診所縫針, 爸爸當然在此處縫針, 跟住爸爸要打破傷風針, 打三支, 昨天第一支, 跟住5月19日, 及11月19日.

醫生縫針, 講拆線 (一星期後)  , 護士亦細心講解洗頭程序. 很感謝他們的細心及熱心.

見到爸爸個傷口, 我寧願係我撞親, 真係替他辛苦  .  爸爸說今次真係"大件事", 肉體, 金錢同血的損失....... 雖然我好同情爸爸今次遭遇, 但我忍不住同爸爸講: " 金錢, 如果FOR TREATMENT , 可以令自己好番, 幾多錢都係值既.  至於其他D, 比起日本D災民, 你是好幸運的.".    爸爸:" 咁又係"

爸爸今次係不幸之中既大幸,  接近九時, 我們才離開醫院, 到對面豐竹吃DINNER, 沙嗲, 咖哩雞飯, 番茄魚, 蝦餅, 好好味! 去許X山吃甜品.  在影視店買左<打擂台>.

回到家中, 幫爸爸抹頭髮, 用藥綿加水, 逐小逐小抹下D頭髮, 要保持清潔, 傷口才不致發炎.