今天要把很多包及很多箱雜物換去迷你倉, 亦是搬BLOG的日子, 皆因YB CLOSE了.
現在試試呢個家如何.
2013年8月30日 星期五
2008年4月15日 給P的留言
朋友Poutine,在你的blog留了言，但我也想把同一段的回覆，貼在我的博客．
雖然我們的性格正如你所言，南轅北轍，但做朋友的緣，卻非淺
以前點止八九個鐘在茶餐廳，我們還要在釜山通宵“露宿街頭”，我咁大個人第一次乍，但我好開心，好懷念一起挨凍挨餓的日子．往後的日子，我再沒有跟別人一起瘋過了．
你係一個要求好高既人，要得你垂青，談何容易．越看得多林生的作品及訪問，越聽得多林生既歌，我明白了！
你還沒有接電話，“浮生若水”就傳到耳邊，我真的有點難以置信．
到你接聽了電話，你以為我知道你就是poutine吧！
我忍不住問你：“你用呢隻歌….近期流行？”
你當時也只是笑答了一句“係呀！”
我好想直接問：“你係米鍾意林峯？”，但我認識既你，不會吧！
話到咀邊，還是收回了，我怕你笑我傻．
跟住的對話中．．．．終於得到了我想知的答案．
2010年12月30日-記12月27日之事
27DEC, 下午跟袁生袁太吃TEA BUFFET(選擇少, 只有一些雞翼, 三文治, 即煮意粉, PIZZA, 甜品,
咖哩角等, 98元一位 ), 聊下去旅行, 他們說起玻利維亞"天空之鏡"
是一個很美的地方, 看網上介紹, 真的很美. 又談他們的女兒, 看照片, 很可愛的BB女.
是一個很美的地方, 看網上介紹, 真的很美. 又談他們的女兒, 看照片, 很可愛的BB女.
晚6:00, 跟師太, 公主, R生在"綠***"吃晚飯, 叫了蟹粉豆腐, 糯米一字骨, 豆苗, 鴨舌頭, 鹽水鴨, 味道不錯,
可惜不知道是否因為假期最後一日, 七時叫高力雪糕都無, 有點失望. 師太又講下大家D運程, 公主講下她的愛情經歷.......回家, 同父親去睇醫生, 爸爸隻左眼紅了, 醫生說OKAY, 沒大礙. 去許留山吃甜品.
27日, 我這聖誕假, 吃得最多野的一天!
2010年12月26日
今天約了友人CYA 吃LUNCH, "POKKA CAFE".
CYA跟我分享一些她之前遇到的"趣事", "瘀事". 而她跟我更交換了"禮物"
. 那份禮, 真係"物輕情義重",
我同佢都會時常用.
.
. 那份禮, 真係"物輕情義重",
我同佢都會時常用. .
簡直難以相信, 佢咁快唔見左份"禮物", 只不過5小時......
2010年12月26日
今天約了舊同學P, 她移民以後, 差不多八年, 沒有在香港過XMAS.
昨天聖誕節, 跟她中午12:00 在CWB, TS "金滿庭" 吃LUNCH, 薰蛋, 白須肉, 手拉擔擔麵, 小籠飽.
味道不俗, 價錢合理! 她訴說在美之苦, 後來隔離台的婆婆, 雖然大家不認識, 但她也樂意分享了她的經驗. 真的很奇妙, 我跟P本來不是想去金滿庭,
只是其他地方沒有位. 在此, 有美食, 還好有緣, 遇上這位老人家. 之後, 又與P去了Ab喝COFFEE, TEA.
我們講起宗教, 說起佛教及聖經. 我覺得佛教是哲學事籍. P講起約伯傳, 我突然想起SPN. DEAN跟約伯剛好相反,
雖然被DEMON, ANGEL 害慘了, 但絕不向命運低頭.
袁來電, 約了星期一下午.
晚上, 跟父親吃飯, 看晚上11:30"哈利波特之死神的信物", 由於沒有看過原著, 所以唔會覺得情節少了些什麼.
由於睇左之前六集, 所以睇埋佢. 榮恩, 哈利, 妙麗, 感覺真係長大左好多, 風景靚, 條蛇兇猛, DOBY好勇敢! 變身水頗有趣.
爸爸話套電影得意, 仲話要睇埋PART 2, 我有小小O咀 ! 爸爸, 之前都睇左六集啦, 米又係呢D樣! 零晨二時左右完場,
跟爸爸在翠河吃肉絲炒麵作宵夜.
2010年12月19日--開心婚宴
今年飲左三場舊同事既喜酒! 雖然公司辦公室政治非常多, 但都好感恩, 總有D 同事夾得到. 大家不同時間離開公司,
依家分別係唔同公司打工, 難得KEEP到份友誼. 聚埋一齊, 嘻嘻哈哈, 拍下照, 聊下近況.
昨晚, 平常口齒伶俐既新郎哥, 感動得頻食螺絲, 但真係FEEL到佢好開心同感動. 新郎哥好細心, 宴會開始, 仲繞場一周,
唔係敬酒, 係想睇下大家有沒有位坐. 姊妹團E小姐更告訴我下午COCKTAIL 時, 新郎做埋司儀, 司機. E小姐說第一次見到新郎身兼數職,
RUNDOWN, 排座位, 各類大小事項....我地認識既新郎就係咁能幹, 叻仔又孝順, 而新娘亦係叻, 靚, 醒, 佢地真係天造地設.
我地一班人當然好開心
, 大家笑說好似自己結婚.
, 大家笑說好似自己結婚. 
2010年10月29日
本來我患腸胃炎已經習以為常, 沒什麼大不了, 但點解今日要寫下來....因為第一次買TICKETS 買到咁樣衰
剛才到UA TIMES SQAURE 買 tickets, 時, 第一次我買唔到, 因為太肚痛, 排排下隊跑去TOILET.
第一次感受到, 痾到面部同嘴唇好凍, 覺得D血上唔到頭, 結果坐係UA地庫往MTR 的行人通道內, 其中一個TOITLET, 坐在45分鐘, 初時仲有D暈,
好彩唔係同阿爸黎, 如果唔係嚇死佢, 45分鐘都唔出TOILET.
買TICKETS, 售票員叫我揀位, 想嘔, 第一次係講唔到, 售票員再問:" 你揀....", 第一次買TICKETS,
買到咁樣衰, 仲有耳鳴. 等佢出六張票, 都好似等左好耐, 跟住又跑去那TOILET, 又來半小時呆坐. 在這一連串過程中, 我就發現, 又唔見左支電話筆,
第二次啦.
今天又重新做番UA會員, 因為爸爸愛上在UA皇室看電影. 那兒, 散場即可去洗手間, TIMES SQUARE
要等散咁D人. 因為有優惠券, 本來70一張, 我用了優惠券, 60一張.
打的回北角, 情況又好轉左. 好神奇, 只係去CWB那段時間如此痛同凍.
2010年10月27日
10月18日, 到<中旅>簽證, 但急證1950. 我放棄了到廣州<抱抱>宣傳.
<抱抱>首映, 我沒有去, 因為J媽生日, H小姐BOOK了北角火鍋館. 以前BOOK TST,
今次H小姐話呢度有K唱. H小姐識人, 所以就是包了房, 都沒有三千元消費限額. 電視播TBB亮燈, 又有林生, H小姐當然唔鍾意, 說點解有佢, 唔想睇.
我最早到, 跟住 契媽, H and her boyfriend, R兄 , J媽, 最遲T先生. T 先生賣酒,
於是帶來紅酒. J媽就叫大家UPDATE下近況, J媽當然唔開心, 工作有阻濟, 兒子又被GRANDMA 取回. H BOYFRIEND訴說他的北京經歷, 有D
野真係整定係佢, 東龍頭(東岳廟). 因為是請J媽, 每位350.
晚上, 收到大A MESSAGE, 原來佢想明天看"告白".
10月19日, 跟大A 看"告白", 晚上吃"泰國菜". 看看大A帶來, 梁生寫序的書, "你是幸運的", 由一名高僧寫的.
我在想, 就是了解內容, 真的要做到, 不容易.
10月21日, <抱抱>開畫, 跟爸爸去看10:10PM那一場, 9:45收到一位DR YUEN的電話,
佢說有意租我們那處, 又說要保密,
10月22日, 下午, 收到袁醫生來電, 佢叫我們帶身份證影印本, 說真, 我真的有點懷疑, 我怕他拿來作非法用途,
又唔知點解有我手機來電. DADDY 覺得太保密, 是否有問題.
我地真係有D 憂慮同懷疑. 晚七時, 交隻碟(有照片及視頻)畀 阿SA , 約在地鐵交收.
10月23日, 約了舊同學SANDY睇<抱抱>, 在夏麵館吃LUNCH. 她說了很多在旅遊東京的見聞,
又送了SWEETS 作手信. SANDY問起劉華CON, 於是我們去買TICKETS, 看到有<清明上河圖>, 好FULL, 於是買平日,
11月23日, 中午12:00. SANDY打算請假, 我地仲去大澳遊添. 12月28日就睇劉華.
估唔到, 我貼個POST, JOAN想一起去, 咁我10月24日下午去買TICKETS, FULL 埋.我POST了出來,
中A有TICKETS, 只有11月19日, JULI又問, 於是幫JULI, JOAN買. JOAN想找人陪, 又想叫埋個仔去, 但唔知得唔得,
但我答應了阿JOAN, 所以變左我會睇兩次. 估唔到, 咁多人有興趣, 更加估唔到佢加場.
10月24日, 約了袁醫生, 他帶老婆來, 在<利小館>吃, 我們講條件, 大家談的都是公平的條款,
跟他們談的舒服, 而好認真, 交換身份證來看, 一份臨時租約, 明年1月1日才簽正式的. 因為老林, 今年年尾交收.
10月25日, 跟父親去睇林醫生, 林醫生仲叫父親小心看清是什麼租客, 坦白說, 你呢D專業人士都毀約, 咁我地點小心呢?
林醫生仲說不要把租金調得太高, 這個POINT , 仲好笑, 我爸爸都租給你們三年再三年, 難度我爸爸是貪心的業主嗎?
完全不是啦, 佢真的太好心, 所以你突然退租. 我地都無追討賠償......
10月26日, 再睇<抱抱>, 在<皇室>, 因為是星期二優惠, 加用某CARD簽賬, 所以每位45, 原價70.
在SPAGETTI 360 吃, 那 WAITER 仲要請DADDY 飲野. 只吃了一百四十多元, 係好抵的消費2010年10月25日--因.緣.果
昨晚一餐飯局, 達成協議, 如果大家都守信用, 應該就事成了.
昨晚的事, " 因", 九月時, 有人違約, 令到我們損失了六位數字, 我們這些小市民, 真的蝕到入肉, 違約的人一句:
"對不起.", 我只是: "嗯!", 爸爸: " 你有你的難處", 事件就那麼平淡告終.但有幾個晚上, 我同父親係好唔開心, 我地仲要做事後工作. 蠢嗎?
我們絕對不是, 爸爸體諒對方賠不到六位數字的金額.
但在這幾年間, 因為透過違約的人, 我們認識了其他人, 那些看似你人生旅途上的過客, 卻促成了昨晚的合作, 這就是一份"緣".
如果再沒有變數, 明年就是"果"
這次的事件只是其中一個例子, 經歷了許多, 我深深體會"因. 緣.果".
有時候, 會對一些事情感到不開心, 甚至憤怒, 但過了一陣, 想起"因.緣.果", 因產生了緣及果,
就沒有那麼執著了.
2010年10月6日
3 OCT 圓方, 再睇"抱抱" WITH Pauline, Joey AI. Dinner , thai food .
after that we went to starbuck , then , we went home, I went to blue bird comic
to go online.
近日契媽在北角巧遇林生及佘拍劇, 在幸福餅店, SEND SMS 給我, 但我趕不了, 都去餅店睇下.
宏健退租, 我們唯有另覓租客, 上網及看星島, 找地產代理. 因為建MTR, 所以好多噪音, 唔知可否出租成功? 聽天由命.
爸爸在4 OCT, 在家執野, 嚇然發現了以前放下的MONEY, 雖然唔多, 都有一萬多.
稅局退了五百元給我.
30 SEPT, J媽生日, 10/10 B-DAY PARTY, BUT , 1 OCT 阿妹, 跟住又話10/10
林生到千FA CON擔心嘉賓, 真係好巧合, 但我答應了J 媽PARTY, 昨天CHECK EMAIL J媽PARTY 可能改期.
EK PARTY 9/10, 我又入左MONEY 無收據, ATM 無出收據, 另一部ATM才有, 我再入數,
所以我係蝕左$500, 有D肉痛, 一個人去, 後來阿SA (CANDY)又打來話去, 我幫佢入埋數. 我希望有人陪. 其實我純粹係想完心願.
運氣已盡, 人緣已減, 我都唔敢再強求, 只希望爸爸身體可以好D, 腳腫改善, 我要感恩.
好擔心有更多預計不到的麻煩事接踵而來.........
2010年9月29日--堂阿哥
上星期, 堂阿哥因公事從美國回來, 我對上一次見他, 是98年, 他的婚禮.
十幾年間, 我只有用EMAIL, 跟堂阿哥通信. 今次回來, 我們也只是相處了兩天. 跟著他要到上海開會.
沒有陌生的感覺, 因為堂阿哥是好Nice, 好顧及別人感受的人, 從以前到現在, 都是這樣. 自幼已移居美國的堂阿哥,
對香港一點印象也沒有. DADDY 問他, 他說真的記不起.
但堂阿哥會記得: "叔叔以前好疼我, 買好多玩具給我." "叔叔跟爸爸的感情好好."
而我就會跟堂阿哥說: "我好懷念伯父.他是一個很好的人."
堂阿哥:"是的. 他對每一個人都很好."
中學的時候, 伯父叫我去美國讀書, 住在他的家, 好方便. 當年, 我婉拒了他的好意. 但我知道伯父是為了我好的. 98年,
在美國, 一對夫婦說受過我伯父的恩惠, 所以他們樂於載我們遊山玩水. 伯父已不再了, 但他種下了的"因"及恩, 讓我們得了好的"果".
我好懷念伯父的笑聲, 就是他患了重病, 他還可以笑著跟我說話. 以前我想起伯父, 我都會喊, 但我知道, 人的命數是天定,
強求不得.
堂阿哥跟我們訴說近況 , 他問我要不要一部NOTEBOOK, 我本身有, 就是沒有, 都自己買啦. 我的原則是, 不會take
it for granted or take advantage from anybody. , 不想別人蝕底.
雖然短短兩天, 今次堂阿哥跟我說了好幾次: "We are family.".
他問我會不會去美國, 他說如果去, 就住在他的家, 他跟太太已商量過, 他的太太也同意, 因為We are family.
真的好感動, 堂阿哥真的好認真, 竟然還說跟太太商量過.
說真的, 我就是去美國, 都只是旅遊, 住酒店就行了. 我不想打擾他們. 如果, 堂阿哥的意思是更深層面的, 我很感謝,
真的很感謝, 但我自己可以照顧自己. 我們永遠都是一家人, 無論在任何地方, 我都會記掛他們, 但不想TAKE IT FOR GRANTED.
我喜歡SPN, 其中一個原因, 就是SPN強調FAMILY, 親情的重要性,
2010年9月24日
9月15日--大A 吃泰國菜, 9月17日跟父親吃CAFE DE MUST法國菜.
9月18日--跟SANDY吃泰國菜, (跟大A同一間, 泰式食), SANDY送了紅色WE HUG TOGETHER
T-SHIRT 給我. 我好喜歡.
晚上跟, B, A , 兩位P小姐吃DINNER, 韓國菜, 新羅寶TST.
9月19日, 同菲比睇豆泥戰爭, 香港話劇團, 兩對夫婦為兒子打架, 吵起來, 都幾好笑.
晚同菲比在總統附近泰簡單吃. 吃DINNER之前, 逛SPORT SHOP, 買了條運動褲.
不過, 七月睇 "魔鬼契約", 萬梓良的魔鬼好出色, 好有感染力, 有霸氣, 又有卑微一面. 仲有好BROADWAY式交代地獄,
好好睇.
9月21日, 跟PAT在麻布茶房茶敘. 她送了逍遙游日記簿給我, 好靚, 真係唔捨得用.
晚上, PAT, GLORIA 跟我在莊園吃韓國菜. 由秦王馬車, 講到外星人, 歷史, 天災 ....什麼話題也有.
9月22日, 中秋節看了"精武風雲"陳真, 動作場面設計賞心悅目, 開場歐戰打得燦爛, 陳真以一敵百,
9月23日, 看了"升降凶間", 結局估佢唔到, 有報應, 因果論. 此電影有3部, 此是第一部.
2010年9月11日
星期三, 滂沱大雨, 跟父親吃完晚飯變成落湯雞, 全身濕透.
Midtown 老闆囡囡, 可能沒有人陪她玩, 我一進內, 就嚷著要跟我玩. 但佢第一句話玩JUMP 樓, 嚇了我一跳,
原來是指公仔, 但我都勸她別玩呢D野.
ANYTIME茶餐廳, 賣茶葉, 佢地既經理, 請我喝了杯鐵觀音, 佢想SELL D 茶葉, 但我無幫佢買.
CY小姐約我下星期吃飯, 呢個已經是我們每年的約定.
我既舊同學兼好朋友SANDY, 認識了大半生,收到佢EMAIL, 真的好興奮. 大家一起慶生.
錄影機好似跟我作對, 又壞了, 總是錄林生D野就有問題, 昨天差點退不到錄影帶.
昨天去到廣視, 那店員急不及待說, 有林生既COME 2 ME DVD + CD. 我睇住佢地即場開箱.
看了C2M DVD, 果真好多FF 會員入哂鏡, 在<愛在><忘記>都見到自己,
可恨自己沒有笑容, 影出黎唔好睇囉.
今天阿妹來電, 說畀DVD我, 但我約了ROSANLA. ROSANLA 過來買DVD, 我也給她C2M CD , 翡翠明珠特刊.
我們在朗豪城吃LUNCH, 她請客, 我吃了長通粉. 她吃闊麵.
大A 來電, 說INFO 對我欣賞林生表示失望, 我覺得她太睇少林生. 林生歌影視都不俗, 只是時間有限,
他太多野做,所以不可以太專注, 未能夠發揮到他所有潛能及才能.
但我看好他.
爸爸說伯娘來電, 大B哥極有可能24, 25, 26來香港, 爸爸已下命令, 這幾天不可以約人.
2010年8月23日--跟契媽茶敘
昨日真的好開心, 跟契媽茶敘. 因為可以傾一D 我好喜歡的話題. 例如對人生的追求, 對事物的看法. 我跟契媽一樣,
最大的追求是.... 精神上.
契媽早前去印度修行. 我覺得這是一種福氣. 但我爸爸一定唔畀我去印度囉.
我們講起我們昔日的朋友, 她在FB看到他們的近況, 有點感觸. 我們更說起一些話題. 我跟她說, 我倒不介意, 我人生的匱乏,
之因上天要我學懂感恩, 上天安排唔同人, 有唔唔同工種, 所以每一個人生便會有不同際遇. 契媽說, 因為我兩經歷多, 所以有更深層的體會.
最開心的事, 我們的經歷, 沒有令我們抱怨什麼, 我們是記得的, 因為人是有記憶力, 但介意嗎? 真的不介意, 因為介意,
嬲人是很辛苦的事. 我們懂得放下, 更會體諒別人的處境. 當你真正懂得體諒, 你的心自然會寬, 會開懷, 這就是從心底發出的快樂. 呢種唔係道理,
是我跟契媽一種心靈上的體會.
2010年8月10日--感恩
今年農曆年開始, 我真的好苦惱, 爸爸唔舒服, 牙痛, 傷風, 腳腫, 我扭傷腳, 唔可以即時同爸爸睇醫生.....跟住就係D
負面情緒.......害怕好多唔好既事發生.
依家已經八月, 驀然回首, 今年其實都係幸運既一年, 真係要好感恩, 感恩所有幫我渡過難關的朋友, 就是一個電話, 一句說話,
都好窩心. 遇到既陌生人都對我好好.
今年, FB又遇番D小學同學, 佢地都移左民美加, 還有SINGAPORE J小姐.
又見多左我既好友SANDY.
上星期三, 醫生話爸爸好了好多, 他更不斷問爸爸是否吃了什麼, 右腳竟然可以消D腫. 醫生說可以安心了. 見到醫生第一次既喜悅,
我就更加開心啦. 如果爸爸身體唔好, 那有心情睇林生既演唱會.
收到朋友P的照片, It means alot. 因為係呢張照片既背後, 又是一大堆故事. 很多朋友為此事盡力, 及爸爸的遷就.
2010年8月4日
人生好多事真的預計不到, 一些事情的變動, 就會影響了另一個事情, 打亂了你原有的計劃, BUT 8月3日,
我覺得出人意表的一天.
很久沒有到現場, 看<勁歌金曲>, 只因逢星期三錄影, 我每個星期三要陪父親睇醫生.
昨日, 可能為了遷就林生的檔期, 所以改了星期二錄影. 於是阿妹就幫我報名. 好彩, 雖然好多人報名, 但阿妹辦事能力好高,
好有效率, 我終於可以睇到LU, 我係非常感恩. 感謝阿妹^^.
因為勁歌, 我亦改了昨天的事. DAY OFF啦, 跟住早上陪爸爸去銀行, 陪他去理髮, 陪他吃早餐, 找人幫忙打皮帶"窿",
好幸運, G2000那女仔找同事幫爸爸打窿, 免費, 她真好人.
出人意表既係.......早上, CY小姐來電, 於是下午,
我就同CY, B吃LUNCH,日本店吃. 跟她們看<唐山大地震>. 此電影印象最深刻有地震, 屍橫遍野的場面, 陳道明好疼養女, 最終,
養女嫁到加拿大, 每年的團年飯是, 自己與戰友吃...
跟住同CY, B到M記TEA, 然後到調景LING集合. 第一次看MC JIN主持的勁歌.
睇完勁歌, 吃DINNER, 外國回來的FANS C, J 原來都係住NP, 仲好近我家, 哈哈,
大家一起回去....都係出人意表既事
2010年7月27日TICKETS
今次好彩, 兩個妹妹, 同那位越南fan守信用. 越南fan本來仲請我睇今晚首場7月27日, 但我婉拒了, 四晚唔同爸爸食飯,
交代唔到.
雖然我以400每張出售. 起碼我都收回1200, 蝕少少, 已好好彩. 仲有人想請我睇今晚呢場. 我好感恩^^, 深信好心有好報,
上天知道我唔貪心. 本來那vietnam fan說, 如果我給她星期三ff ticket, 她換27號給我, 還再給我200. 咁我都係睇三場, 仲多賺200.
但係咁我唔可以同ff 坐在一起.
alice 話7月28日, 她媽媽想坐近一點, 於是她再bit ticket, 而ff tickets, 她說免費給我朋友睇.
咁佢又再蝕兩張480, 我給了clara 及her friends. 感覺上, alice 實在好想坐好位, 結果bit 來bit d tickets,
辛苦自己, 煩之餘, 金錢亦花上很多.
2010年7月22日
我寧願要友誼, 希望大家唔好煩.
阿妹靠照片姐姐 換到最好的ab行, 就擔心p小姐唔知點, 於是keep it secret , 後來py說她來承擔呢個問題 因為
p小姐之前幫我們拿到L行. 佢自己就買了i小姐預訂建行的票ah.
我收到e既電話, 君叫我e office拿票. 後來阿妹又找到別的途徑, 但p已覺得煩, 因又要換.
我明白 阿妹, p 已經付出了很多努力找票, 可惜我沒有能力幫他們. 我很感謝他們, 更要感謝g先生. 佢之前說沒能力,
打不到電話, 後來竟然又找到朋友幫忙, 雖然位不算很好, 但都okay架, 我好感恩.
今次換來換去之間, 金錢真的用了很多. 感到好無奈. 而大家又埋怨某d事.
有時候覺得, 睇show睇到咁.....
2010年7月15日
9 July, 跟GIL, K同佢囡囡, EO,J&SIN, ANJ, 在潮客吃DINNER, GIL說賣不到LF CON
TICKS , I dont really care about it , it is NOT his responsibility to help me
buy the tickets, but I am really apreciated for his help , we chatted happily
during dinner.
12 July, dine with anges, tina, rosanla, first I met Rosanla at
wan chai mtr station , we went to 泰軒, Anges, Tina 遲點來, 後來, 我跟ANGES再去吃木糠蛋糕,
Chocolate, vanilla ice.後來, 我跟ANGES, 去翠華, 吃雞翼. 遇上PHOEBE.
phoebe語氣有少少質問我, 點解唔陪爸爸吃, 我說AGNES是一位朋友, 我DADDY都認識的. 我在想,
我每星期都陪爸爸吃飯, 只是偶然一, 兩天不陪, 我都要有自己同朋友吃飯的日子掛?
2010年6月28日-小學同學V
爸爸說V小姐來電, 我立刻回覆啦, 她從多倫多回來了. 跟她聊了半小時, 約星期日見面. 我地由小學到依家, 相識左超過三十年. 小學, 我有兩個要好的同學,
兩個都移左民. 其中一位W小姐, 結婚都有請我去飲, 但當時情況唔許可我去美國觀禮. 後來佢生左BB之後, 就好少聯絡, 依家可以話失去聯絡.
今次呢位V小姐, 在加國讀書兼移民, 都廿幾年, 分隔兩地, 仲可以KEEP到友誼, 我地仲有咁長命, 可以相見, 我很感恩.
唔好話我悲觀, 意外啦, 病啦, 咁就見唔到架啦.所以我好感恩, 我地仲可以見囉! .
.
星期日, CWB, 麻布茶房, 我地天南地北, 旅行, 時事, 生活習慣, 社會現象, 都談到, 傾得好開心,
因為我地對事物既看法, 有點相似, 可能大家都是處女座, 大家亦比較爽快, 不婆媽. 不過, 佢真係好有心, 竟然送了相機, OLYMPIC PIN,
藥膏給我, 因為呢份心意, 用錢都買唔到.
講真, 今次一別, 真係唔知幾時會再見, 但都有期望既
2010年6月26日
青鳥明天就換老細, 我好唔捨得. 因為以前, DENNISE與KELLY, 後來TIFFANY, HEBE, 佢地都好NICE,
一齊叫東西吃的日子, 一齊聊天的日子, 仲有老細封一百圓利是.
呢個咁WARM, 與世無爭的日子好似要完結咁. 老細太好, 生意就好難做.
.
.
今天, 去左旺角交收碟 (EDOG), 她又畀左5盒帶同DISC, 好重, 唯有回家再去尖沙咀. 為ALICE慶生.
2010年6月6日MACAU
今次澳門之旅, 很感謝我認識的那位廿多年的好朋友SANDY. 跟演唱會名稱一樣, 我與SANDY經歷了廿多年的友情歲月.
事實上, 我這位朋友不太認識鄭伊健的歌曲, 今次還是為了陪我而已. 真的很感動.用多一首EKIN的歌曲來形容我心情, 遇到一位如此好的朋友. 跟她聊天,
感覺很舒服, 很開懷, 因為她不會太介懷於任何事, 她好像只會記著別人的好.
乘船到澳門, 換了回程船票, 竟然加開了班次,回想起今年一月的時候, 安排上改善了.我們沒有什麼計劃, 只因時間有限,
我們七時許要回到威尼斯人去. 在街邊吃串燒. 在阿三吃飯, 女侍應很殷勤,店主又親切地聊天, 感覺很好. 我們點了蝦子柚皮, 炒通菜, 香燈骨,
味道比較清淡,很少味精.很喜歡, 吃完後, 送上很有心思的香橙.跟著, 我們回去, 看演唱會的時候, SANDY也會叫下, 向伊健揮手. 她雖然不是伊健FANS, 但她有一句話,
我很認同,她說既然來了, 就要投入. 演唱會就完結, FANS不願離場, 我們不趕船, 於是也等著, 伊健果然再出來. 說場地所限, 不可能再唱, 下次紅館見,
演出會比今次好. 我們還有時間, 去喝點
2010年5月25日女店員
昨天去北角那間影視店買碟, 那女店員, 我不知道她的名字, 她跑來, 遞給我一張SCREAM2 既VCD, 說借給我看,
而且還叫我不用急於還給她, 因為之前, 我找過此電影, 沒有了. 因為斷市.
那一刻都幾感動. 我跟那女店員不算熟, 我們都不知道對方名字, 沒有對方電話, 但她在家裡找到SCREAM2 VCD,
就毫不猶疑借給我.
又再體驗一次人間有情.
2010年4月10日-爸爸的病
星期三, 醫生話爸爸d 腫退唔到, 一定要驗, 醫生話full report, 下星期一才有, 但血及尿的化驗報告, 星期五有了.
我想星期五都聽下個report, daddy堅持下星期一, 一次過聽哂. 結果醫生話, 如果有重要野, 星期五會叫我們見佢.
星期四, 早上陪爸爸全身驗查, 之後到美心吃早餐. 我同爸爸都好擔心. 爸爸都怕係大件事. 星期五, 下午六時許, 醫務所打黎,
話report出了, 醫生要見爸爸. 好驚呀, 好擔心呀, 突然來電, 都唔會有乜好野. 想立即見醫生都唔得, 護士話9:00後,
醫生才有空. 仲要等到9:30? 我告訴了爸爸. 我同爸爸內心好擔憂, 醫生咁快叫我地見佢, 應該好嚴重, 唔知道是否要入院. 晚飯時,
爸爸都說醫生咁快要見佢, 我都好好擔心. 爸爸都說了句明天去邊度吃晚飯. (事後, 爸爸告訴我, 當時他擔心要入院架.)
飯後, 同爸爸行去醫務所一段路, 爸爸忽然用台山話唱起歌來, 我都很喜歡爸爸用台山話唱許冠傑那首<日本娃娃>歌,
好有趣. 以前, 爸爸都用台山話唱<赤的疑惑>.我覺得爸爸把聲都可以唱歌的.
9:30準時到達醫務所, 醫生仲好busy. 等到10:00, 我們入去見醫生. 醫生話睇落無大問題, 但都係一個問題,
因為未知道我爸爸腳腫的原因, 基本上, 爸爸是有點貧血, 同埋心臟有點問題, 所以醫生寫了封轉介信, 提議我爸爸去睇心臟專科. 人年紀大了,
總有點毛病, 但聽完醫生分析份報告, 我同爸爸無咁唔開心. 爸爸之後同我講, 原來佢好擔心要入醫院, 因為醫生call 我們星期五, 咁快要見佢.
但爸爸說他不敢告訴我, 他的憂慮, 怕我會驚, 但我同爸爸講, 我都有心理準備, 要陪佢入院.
爸爸心情, 表面看上去, 好似好一點. 我心情都okay, 因為始終爸爸年紀唔輕, 有病係正常. 依家就預備去睇心臟專科,
睇下究竟情況如何.
2010年3月5日
2009年, 心想事成的一年, 遇到少少困難,但沒有什麼大問題.
2010年, 踏入虎年, 煩事多多, 好多事都不能夠掌握在自己手裡.
我隻腳又腫,爸爸隻腳又腫. 呢個三月好難過, 四月唔知點. 呢一年跟住會點呢? 擔心ing..........
跟住, 有排都唔會上網. 今日真係好勉強爭取到上網.
但今日一班舊同事, 阿牛, 六月, iso, christy, let@@打電話來, 都開心既. 仲有話想同我食飯既a
小姐...
雖然話今年麻麻地, 但有幸, 阿妹alice, pauline "運"我回來, 他們很細心, 安排好好.
感謝上天讓我遇上這班好朋友. 仲要浪費了船票, 再加錢, 再買船票既alice lau, polly, coeur. 感謝你們 .
.
我那位好好既舊同學sandy, 本來我真的很開心, 我與你一起看謝君豪的話劇, 在幾許轉折下, 最終還是不可以一起看,
我都唔開心,
猶想起phoebe去年問去不去看, 我說有朋友幫我book了飛, phoebe, 原來, 我根本無緣睇呢個話劇.
2009年12月9日
昨天是我表哥W的 BB百日生辰. 表哥擺酒慶祝. 表哥好有心, 本來想親自來載爸爸同我, 但我婉拒了. 香港最好是, 搭的士,
好方便.
最開心, 係見到三叔婆, 好耐無見佢. 她很疼我的. 我狠狠擁抱了她三次. 原來三叔婆都八十多歲了.好彩,
她看來還是很健康. 聽表姐說她的印度, 不丹之行, 好有趣. 表姐說話時, 非常有童真. 表叔說起南水北調工程, 走訪了內地好幾個城市. 仲有跟表嬸,
說起星相命理, 我們的話題未完, 飯局就完了. 因為連中醫, 減肥, 什麼也聊到. 另一位表哥P, 本來患重病, 今次好多了, 但他很多菜色也吃不到.
以前我跟他真是半斤百兩, 鬥肥. 現在, 他跟我也是瘦了.
2009年7月18日
本來寫感想, 只是抒發情懷, 被人轉去別處, 真開心的, 因為有人共鳴.
在網上討論區, 大家互相討論是好的, 但當名字也變成了標題的一部份
她出於好意, 但真的......我是什麼呢? 只是一個普通人, 文筆不好, 內容也很普通, 我不會說介意, 但我看了,
我真的O左咀. 她喜歡, 並不代表別人也喜歡.
論壇人才背出, 平凡如我, 在別人的眼裡, 才不會看喔. 感到無奈. 就是你看...又怎樣?
如果某某看了, 真的可笑....
2009年4月27日
在pc , 時常都會遇到熟, 舊同事, 舊同學, 今日連舊同學既先生都遇到.
當我在pc, 睇緊一段爸爸在機場拖著小孩走的有趣片段之際, 突然背後有一位男士叫我, 我回頭一看, 喔! 我同學a 小姐既老公-
t 先生.
t 先生遞個電話畀我, 我舊同學在電話裡問候我: " 你點呀?" ( a 小姐是用很關懷既語氣). 但我覺得那一刻好有趣,
好似人地d 電話廣告橋段.
雖然t 先生想介紹個西醫畀我, 我信跌打多d, 我多謝佢好意啦!
t 先生, 估唔到你膽固醇都咁高, 好好保重身體啦!
我記得架, a 小姐 五月生日, 都時大家又可以慶生同聚舊啦! 仲有, 多謝我舊同學s 小姐的電郵及電話.
2009年2月11日特別髮型屋
家附近有一間設計頗特別的髮型屋, 髮型屋洗頭的地方, 好似置身在船上. 有一個水泡鐘, 望上天花板有鐵管, 而牆上有一個字”nowhere”.
我跟老闆娘講起呢個字, 我說好特別 [no where],
加上整個設計, 我感到有點漂泊, 老闆娘笑說: “呢個字, 可以看成 [now here] ,
睇下你點睇啦!” , 我即時醒悟: “係播, 可以係now here. “, 唔知點解, 當看成now here, 我有一種要把握現在的感覺. 老闆娘話在眾多客人中, 只有三位能夠看出 nowhere是藏了兩組字.可能我的心中有一種不安, 做人失了方向感, 所以只能看到no where.
2009年1月19日
星期五晚去飲，真的好開心，睇到小妹妹結婚，當年大家齊齊入行，後來當然各有際遇，在不同的公司工作，見面機會少之又少，今次真的覺得她長大了．嘻嘻哈哈，正如她的丈夫說，小妹妹常常都開心活潑，又玩得．小妹妹還很有義氣，還記得有次因工作關係，她到我公司來，她會問我：”有無人欺負你？”，一句話，好笑但好窩心．
今次飲，亦是一次好好的聚舊約會．見番一ｄ好久不見的朋友，但大家都注顏有術，歲月似乎沒有在他們的臉上留下痕跡，阿敏，鏡波，Grace，樂仔，”尋常”都係多年不變，可惜Eric早走，阿邦又沒來，樂仔依然似個小孩子，雖然多年沒見，大家沒有陌生的感覺，談近況說當年，有次我說話令大家誤會了，變成笑話，大家捧腹大笑，鏡波就感慨：”好似回到以前的笑聲一般”．當年真的無憂無慮，雖然同事間都有是非，但相比起現在，當年真係好簡單，現在好似變成了”一個快樂的傳說”．
鏡波份人感性，他又說起大家在他的家中影的一張大合照，我地都有保存到．大家都講到約埋一齊入長州探阿敏．我亦都好開心Iyvonne坐我隔離，我地最喜歡吃，講起食就興奮，想下去邊度吃甜品，也笑得開懷．
最意想不到，是我竟然跟晶晶同台，我們聊了幾句，更同Sugar等說起酒店見聞，鄰台的Amigo應該是跟sugar熟稔，所以走來邀大家玩十五二十，飲酒，我地呢台女將，都比較斯文，後來晶晶,Jessica都玩下．看到鄰台的子珊，份人幾Nice，看到她抱BB，叫新郎好好照顧新娘，那份感覺好舒服．
2009年1月10日
'念當天生活於一起,笑說心裡大志, 但今天生活苦相逼, 競爭令人累'~那天再重聚.
以前讀書的時候, 聽到呢首歌, 已經就想, 將來出來做事, 我與幾位好朋友會不會好難再相聚? 那時我好搞笑,
定了一個16年之約, 希望16年後我們還可重聚.
當然依家我們不止16年了, 25年了, 我們每年都會約出來數次, 只要有心, 原來25年都不難.
大家都說起工作的苦與樂, 今次A, J, 也八時到了, ST要加班, 九時許才到, 伍小姐就因有親戚來了,
今次的聚會又不齊人了.
工作以外, 談起藝人, A小姐還是很懷念陳百強的歌,講講下, 我講起林峯, A小姐竟說:' 我覺林峯幾好, 佢好有錢,
但佢好似乜都肯做, 佢D歌都幾好聽, 雖然來來去去得個兩首.' , 我說: ' 林峯只係出過兩隻碟, 自己既歌係唔多, 佢真係好捱得, 為了唱片宣傳,
佢出碟, 在新翠商場, 可以企個幾小時跟大家合照.' 朋友J: ' 新翠? 個商場好細.' . 我點頭; '為了宣傳.都要做架.', '
朋友A及 J 竟然興致勃勃聽我說追星的事情, 特別是聚會, 佢地講起以前我們根本唔會追星., 以前我呢班同學, 好認真讀書, 最懶係我,
只有我唔喜歡讀書, 但當時我都唔會追星, 現在他們己成了專業人士, 聽我說起藝人聚會, 竟然好奇問 ;' 係米有得影合照, 有無野食, 要畀多少錢? '
他們問起來, 好似小朋友, 好有童真, 我感覺上, 好似回到讀書時代, 大家嘩啦嘩啦地說話.
朋友ST九時許來了, 加入了我們的話題, 仲話係'勁歌'見到我, 我登時O咀. 我好佩服 ST, 她多年來都有讀書,
工作時也從來沒有放棄, 好勁! 朋友A早走, 我們吃了個靚靚甜品, 影了相, 實行給無得吃既朋友A, 哈哈! 讓她羨慕下^^
2008年12月21日
工作上, 猶如困獸鬥, 阿頭還要每天單打大家, 說些打擊士氣的話, 何苦呢? 大家已經好清楚環境, 讓大家"安樂走",
不可以嗎? 你有壓力, 大家都有, 十二月有幾難過, 心照不宣, 真的很不開心, 有同事問我: "會不會跟大家一起共同進退", 我沒有答.
因為是誰走, 是誰留, 天曉得, 真的可以 " 共同進退"? 是你天真, 還是我理智. 但我好怕別人說我此情此景走, 無義氣,
但有朋友跟我說, 其實他們不是跟我講義氣, 只是他們迫住得宣判, 如果有得選擇, 他們走先過我, 叫我別傻........我近日問了一些朋友的意見,
朋友都支持我走, 我真的好困惑, 朋友說support hard me, 很窩心的.
我真的很累, 很累, 那種想起今日"死期"到了嗎? 即刻宣判不可怕, 最可怕的是等待, 而更可怕的是.....等待中,
每日都還不斷有問題, 不斷聽冷言冷語, 但工作還是要繼續, 我希望我可以瀟灑走一回.
今年我真的上了人生寶貴的一課.
2008年11月9日
昨天, 我跟菲比看話劇.
我唔去林生活動, 佢要捨棄佢既靚仔阿sir , 我地去睇左部唔係咁好睇既話劇, 同吃了一頓好開心既飯.
我地原來真係好珍惜大家既友誼.
菲比講起佢學跳印度舞, 聽印度音樂同看印度電影, 呢d我好少接觸, 我好有興趣聽.
我地其實只係幾個月無見, 但佢就因為佢既印度舞及活動而忙, 我就忙於跑場去支持林生. 幾個月, 我地都有D野唔同左.
認識菲比多年, 佢每每啟發我好多野, 本身我無乜藝術細胞, 但我對話劇, 電視劇及電影好有興趣, 菲比常分析給我聽, 點樣去看,
從什麼角度去看....
還記得, 當年詹瑞文未紅. 當時佢既話劇, 好深奧, 唔係搞笑, 菲比會告訴我其實內容係暗示左什麼,
依家詹先生既話劇就雅俗共賞,
不過, 菲比, 我估你無乜睇過林生既劇, 我睇哂了, 我可以好肯定告訴你, 林峯演技係同輩中好好的一個,
但昨晚無時間跟你談這些.
昨晚菲比讓我看到ky的結婚照片, 明年1月ky婚宴, 菲比說起我會見到以前的舊同事, 心情很複雜, 既開心, 又有點陌生,
因已有數年沒有見面了..
2008年11月2日
星期五晚
約左朋友j媽, 公主, 少爺, 朗奴, 契媽一班人打邊爐, 難得k小姐都有時間, 少爺在金**做, 間公司搞成咁, 股票又失利,
見到佢好唔開心, 以前少爺劈酒, 真係千杯不醉, 今晚他醉了, 平時講求外表, 講求形象既佢, 竟然在公眾場合大叫, j媽好似逗小孩咁逗佢,
我地大家都知道佢心中應該有好唔開心既野, 見到少爺咁, 我真係好唔開心, 又可惜幫唔到佢, 但正如j媽所言, 無論點, 我地都會在他身邊, 撐佢. 佢係叻仔,
可惜時不予佢, 同樣叻仔既朗奴, 比少爺豁達, 但我都知佢壓力都唔少. 今晚一台人, 其實每人都有自己難處, 好彩的是, 大家都講出黎, 解決唔到,
都發洩下.
可惜我星期六要早起, 唔可以同佢地癲到深夜, 今年三月, 七月, 我同佢地都hea到零晨兩,三點, 跟他們一起,
真係醉生夢死兩點幾.
j媽叫我開facebook, 我話唔好啦, 我唔識, 佢即刻話我 " 跟林峯, 就遠遠都去, 坐在電腦旁開facebook
就唔得!" 我當時真係啞口無言, 點解扯到林生咁遠. 但j媽還是補了句: "林峯都幾nice", j媽原來同林生合作過一次, 是r公司舉辦的一個活動,
其間發生了一點事, 林生完任不介意, j媽仲同林生有少許交談, 所以佢覺林生nice.
星期六, 本來今次我打算不去, 因為poutine一個電話, 我米又去, 我今次不打算去, 係因為我估我起唔到身,
我知道星期五晚應該好夜至回家. 我唔想通宵唔訓.咁對身體唔好. 但好開心, 因為poutine叫我去, 事後, 我遇番一位舊朋友,
她與她的先生致力出版教育書籍, 拿了她的新電話號碼, 佢依舊帶點傻氣, 乜都笑一餐....我們的友誼又可以繼續....晚去飲, 新郎新娘都係公事同事,
好多人都high 爆, 氣氛好好, 而見番個舊同事, 佢又幫我打畀另一位舊同事, 咁又聊了一陣
咁星期六, 又聯絡番兩位朋友.....人生就係咁, 好多野都唔係你估計既.
2008年8月29日
今天乘公司車, 遇到部門阿頭, 佢又問我點, 因為之前我遞左辭職信, 當時佢同我傾左20分鐘.
係呢間公司, 我遞四次信, 每次都係遞畀唔同上司, 因為我在呢間公司工作七年, 但已經換左七個上司,
公司大老闆都換左幾次,真係非常動盪, 但我每一次遞, 上司都會留我, 同我痛陳利害, 當然我自己亦知道自己有一定的存在價值, 人家才留我.
但今次呢個上司, 真係令我好委屈. 好激氣, 今天真係淚水都流了出來. 呢幾個禮拜, 我已經同佢好多磨擦. 而有一次,
我仲要好似"歲月風雲"咁, 佢做忠既振民, 我做醜人振邦, 大家演了一場戲, 去完成一件叫做為公司好的事情, 阿頭仲笑我可以去演員, 咁佢可以做編劇同導演,
整件事佢造出黎, 我都係聽命於佢.
今次在車上, 講起, 佢竟然話我唔應該理d客顧投訴電話, 搞到時時畀客罵, 佢言語之間, 好似是我自己攞苦黎辛...
真係傷心到掉眼淚.....於是立即義正辭嚴, 帶點憤怒
" 我係Pick Up左投訴熱線, 但我唔聽, 唔通k小姐一個聽哂, 我想幫佢分擔, 佢一個人聽哂, 會癲架."
公司為了縮減開支, 炒左個接聽投訴電話既人, 我同k小姐本來真係,唔係做接聽電話, 唔係我地工作範圍, 但無人聽,
我地米聽囉，真係捱義氣．因為我同ｋ小姐已經叫做熟識公司某ｄ運作既人，又可以打去唔同部門問．
我個阿頭真係完全無理解能力，佢完全無資格話我，我地部門無ｈｅａｄｃｏｕｎｔ，唔可以請人，我同ｋ小姐真係捱義氣去做，你估我想畀客顧罵？我地公司係有ｄ野做得唔好．
依阿頭你咁講，唔好理ｄ客顧，唔怪得公司無進步啦．．．唔理別人意見．
我只可以講，我仲有ｈｅａｒｔ，我仲有良心，客顧既說話，合理既，我一定會聽，會反應意見，處理客顧問題．
我就係因為仲有良心，仲有人情味，到今時今日，我唔計較金錢，蝕左ｄ假都仲係呢間公司，我真的太傻．．．．．
今天人事部來電話，原來我去年仲有兩天假未放，今天唔放就ｗａｉｖｅ，於是我放了下午假，我阿頭見到我面都黑哂，當然畀我放，佢話只可以放假．．．（但唔可以辭職）
2008年7月18日
跟契媽相識十年餘, 我好珍惜呢份緣, 契媽當我係親人,
我都當正你係親人架, 我會伴你走下去架, 繼續做你個女.
雖然在我的博客中, 好似唔覺有顯示Blog友一欄,
但我都加了你做Blog友,
我都係選了親人那糷.
回想起第一次遇上你,
在那H公司, 你last Day , 我first
Day, 真係你淡出, 我閃入.
我們沒有聊過一句,
後來到O公司, 我們又做多十餘日的同事,
轉到A公司, 又共事了年餘 . 好多人只可以係同事,
工作以外, 少有接觸. 我跟你卻是同事的緣份薄,
友情親情的情誼長深厚.人與人之間的緣份, 就是這樣奇妙.
我們相識相知那麼久, 大家可以互訴心事, 兩人可以坦蕩蕩,
真係唔係人人都可以交心既. 我們對事物的看法可能有差別, 但我好感動的,
是你永遠都會體諒我, 支持我, 鼓勵我,
就係你明明唔鍾意某d事, 某d人, 但你都會因為我, 而支持.有問題, 你又會伸出援手. 本來, 我是應該常常打電話給你,
我是契女麻, 但總是你打電話來問候我, 好窩心,
我又好慚愧.
記掛你嗎? 常常都有, 因為我錢包(有道符),
家中, 有很多你送給我的禮物, 這些東西都會令我想起,
契媽近日身體如何? 還是這麼盡心盡力工作?
心情好嗎?
工作愉快嗎?
你今年頻頻出Trip 公幹, 希望你保重身體.
契媽, 既然你都當我係親人,
有事找我, 不用客氣, 你總是怕麻煩別人, 但朋友親人,
都唔會怕麻煩, 如果我有事找你, 我唔會客氣架, 哈哈!
契女上
2008年6月6日
今天放工，同大佬ｇ，ｋ小姐一起乘地鐵．大佬ｇ向我同ｋ小姐大吐苦水．
我知大佬ｇ慘既，我都同佢講，知道佢好難做．上有惡頂上司，下有唔體諒佢既下屬，仲有個好似我咁小孩性格既．．
大佬ｇ其實係一個好好既上司，好多麻煩野都幫你解決，又聽大家訴苦，係眾人既出氣袋，當然你做錯野，大佬ｇ當然也會罵你啦．不過，佢既紳士風度同埋肯幫人，加上有幽默感，當然受到好多人歡迎，雖然我都聽過有人批評佢．但無人係十全十美，每人都有有ｄ缺點架啦．
上星期，部門阿頭又跟別的部門”開火”，事件牽涉到我，阿頭話我”好心做壞事”．唉！好人難做．我深信”凡事去得太盡，緣份就會早盡’
我好唔開心．我跑去同大佬ｇ講，我辭職．其實我好想走，唔駛養家，無負擔，加上想放一個悠長假期，睇完”花好月圓”首二十集，才找別的工作，哈哈，好開心．想起就好開心，但人情債走唔到．．．
大佬ｇ又叫我唔好衝動，他想想辦法．
但大佬ｇ又出面，同阿頭講，當然大佬ｇ係用左佢自己既意思同阿頭講，阿頭當然亦唔想我為此事辭職，今個星期，阿頭對我態度好左．．．．
今天大佬ｇ又問我，好ｄ未？聽完大佬ｇ訴說佢自己既困難，我仲點敢加重佢負擔．我只答了”無野啦’．
記2008年5月21日瑣碎事
晚與父親到Midtown吃飯，呢間小型餐館，老闆係廚師，好少跟客聊天，但老闆娘好健談，電視劇啦，時事啦，家人啦，乜都可以講既，而餐牌有既菜餚以外，你想食另一種煮法，老闆娘都會盡力而為．
老闆娘：”四川地震，你地有無捐錢？”
父親：”梗有啦！無捐錢就唔係中國人啦．”
（我父親所指既係，如果有能力，就是捐十元也可以，如果有能力，連十元都唔捨得，點配做中國人，我地係同胞黎架）
我：”嘩！父親，你好愛國．．．我都有捐．”
父親：”我每日念經，祝福四川災民．”；呢樣野，我自愧不如，我都只係念過一次．
父親好喜愛狗，所以今天佢不斷提住那位獲救既老人家，有兩隻小狗令她生存下來．我都喜歡狗，所以個Blog都係一隻”狗”的照片．狗就是一位好忠誠的朋友，你遇上什麼困難，對你都不離不棄．
睇＜法證先鋒II＞，暫時黎講，失望啦，好似”刑事”．鄭嘉穎拿著手榴彈．．．唔驚險．＜O記II＞就拍得出色，架車有炸彈，把架車吊起，羅嘉良及陳錦鴻從車跳下，好緊張．打造成香港CSI,
編劇要加油啦！
睇緊＜法證＞，廣告時間，父親：”我今日掉雜誌，剪左張野畀你．”
在家中，父親常清理報紙雜誌，我就無乜心機睇娛樂雜誌，有自己偶像米細心睇下囉．
我提不起勁：”係乜黎架．”（我心想，雜誌內無記抗災節目照片？都會有乜驚喜）
當父親遞給我，咦？我竟然無見過既，我問：”邊度剪黎架？”，父親：”米雜誌囉，你無睇架？！”
真係無睇過，近日，工作都煩死我啦，邊有留意雜誌，除左寫下博客，都無上網睇其他野．
父親剪下來的，是一個名錶廣告，可能好多人都睇過，係我咁out.
目不轉睛，望了良久，眼前一位Smart，有貴氣，好優雅既林生配上一匹駿馬，高貴的外表，卻出奇地有著一份親切感．可能我本身都喜歡馬（馬好有靈性，跟狗一樣），所以非常喜歡呢個廣告．
讚父親勁,咁都畀佢睇到個廣告, 父親就招積起來:" 當然啦,我唔會亂掉架,要檢查過(雜誌)才掉架
2008年5月21日
星期一，公司裡全體員工（除了當值職員）都有參與默哀，心情是沉痛的．
有時候看到電視畫面，真係好想去四川當義工，幫手派物資畀人，照顧下人，都好啦！不過，父親唔準我去，佢擔心有餘震，有疫症．．．講真，每人都這麼想，邊個去救人呀！但我明白，父母點會想自己仔女冒險架．
星期一，亦是開始沒有J小姐的日子．J小姐係一位好可愛既靚妹，做了八個月part
time，為了更好既前程而辭職了，有她在，辦公室內會充滿笑聲，因為佢乜都夠膽講，為了娛樂大家，講有味笑話都唔尷尬，大笑大喊，性情中人．
昨天收到她的”醫貓”，佢寫了一段令我好感動既說話，佢好多謝我聽佢講心事，分擔佢既煩惱．說來慚愧，其實我沒有什麼可以幫到她．我只是一位好有耐性的聆聽者，我好樂意聽別人訴苦，可惜，我只會聽，但不懂得幫別人解決問題，以前阿N,
阿C又是不斷向我訴苦．．．．雖然她們都各奔前程，但我們還是有聯絡，有見面，我也是繼續我的聆聽者角色．．．如果上天可以給我多一點智慧就好了，幫助她們解決問題．
2007年12月13日--給父親的禮物
昨日跟父親吃晚飯時，我就嚇他
我：“我被老細炒了”
父親：“那你遞辭職信給她啦！”
（父親知我常常有封辭職信在drawer，以備不時之需）
我拿了一張A4紙出來．
我笑得好開心：“父親，就是為了送給你這張紙，我就被炒了”
望著那張A4紙，父親滿腹疑慮，他看到紙上有他的英文名，有一個簽名及寫上“多謝
多謝!!!”
父親皺眉：“感到好困擾，你公司邊個會知道我既英文名？我又做過ｄ乜，點解要多謝我？？”
父親想了好一陣子，終於他看到了個簽名是誰
父親猜一猜：“唐文龍”
我（喜上眉梢）：“你終於估到啦！”，“你話好欣賞佢，唔知點解佢唔紅，我冒住被阿姐炒既危險找他拿簽名架，阿姐話我好（掉）臉架！”
父親直認不諱，好堅定說“我係鍾意睇佢，佢個樣夠正氣，之前佢話無記唔重視佢，佢返國內拍劇，依家係香港拍劇，仲好啦！你點樣拿到呢個簽名．”我就娓娓道來．
“今天，唐文龍在我公司附近拍野．因他及一些工作人員認識我公司的同事，他們走進來．
其他人在聊天，等埋位？ 唐文龍唸唸有詞，唔通係度背緊對白．
我打擾他了．
我禮貌輕聲叫了：“ 唐 先生”
本來唐生抬頭背緊對白，他低下頭望一望我．
我立即說：“對唔住．（因為我打擾了他，當然要道歉）
“唐生，我Daddy好喜歡睇你演戲.你可唔可以幫我簽個名，畀我Daddy？”
唐生笑說：“可以”
我老實唔客氣：“我Daddy叫Willy”
唐生認真咁串個名：“係米Willie?”
我話唔係，係“Willy. 不過，你可以寫William”．
（事後我問父親，原來真係Willie, 唐生無錯，係我搞錯我父親既英名暱稱，好才我請唐生寫William, 因William係Willie既全寫）
我們一邊講，一邊走到張台前面．
我提起＜鳳舞香羅＞．因為都要畀佢知，我同父親唔係吹水，係有睇佢既作品．
我認真道：“你係＜鳳舞香羅＞演邵晉……,我停了半秒，因怕講錯佢既角色名．”
唐生不待我說完，就幫口：“晉鏘”
我傻笑：“係呀！晉鏘．在後尾，被打死，好慘．”
唐生竟然說：“個場戲，我都拍到喊”
身為觀眾既我，都好深刻，唐生每次拍“死”既戲如在“ 十月初五 的月光”，“妙手” “鳳舞香羅”，我都好深刻．
我猶疑問：“你都有拍” 十月初五 的月光“．”
唐生微笑：“係呀！我有份既．”
我老細來了！
她笑著跟我說：“我部門ｄ同事真係（掉）架！我想同Michael 影相，但都無咁做，睇黎都唔可以畀你係我既部門工作．”跟住又話扣我人工．
我知道她在睿笑，我一臉不在乎：“好呀”
唐生要開工了，唐生開門走時還說了兩次：“真係好開心”
千金難買如此燦爛的笑容．
有人認同自己的工作，當然開心啦！
西裝畢挺既唐生，帶著陽光般的笑容走了．
同事們跟著就拿我開玩笑，叫著我Daddy的英文名．
介意別人笑嗎？絕不介意，身邊好多同事，朋友都覺這些是（掉）臉事情．
我都唔明白，有什麼問題？欣賞一個人，米叫佢簽名留念．只要不妨礙他人工作及自己工作，有乜問題．
父親很珍惜這份禮物，他還影印了一份．
2007年10月30日--金雀餐廲
可能有ｄ人認識呢間餐廳係從電影“２０４ ６”
或“花樣年華”．但我係CB大既，由細到大，偶爾也會到．
我好喜歡“金雀”（我父親所謂既中式西餐廳），因為佢唔理你係熟客，還是生客，都好好態度．加上佢既裝潢，擺設有ｄ懷舊．
我同父親去到，都算係生客，一年都係去幾次．但去到，Waiter,
Waitress都好有禮貌，個老闆都好好，我同父親想坐卡位，但無卡位，老闆就畀我地坐四人台，佢話：“張台畀哂你地，無人搭台”，現今金錢掛帥，其他地方，當然希望坐滿人，搭台係必然，但“金雀”唔會囉．
金雀既食物ok啦，而“沙律”，我係好喜歡食既，因為沙律醬係自製，其他地方食唔到．不酸帶甜．
2007年9月13日
公司搬左，真係山長水遠，由港島去新界返工，一早一晚都會，轉車，乘公司Shuttle Bus．
以前同其他部門的人可能點頭之交，依家有D，因為常一起乘車，所以都會聊下天．早上多數與J小姐聊下養生之道，講下食野運動，下班又好多時遇上大老闆的秘書N小姐，又係天南地北乜都講下．
長途車，除了可以欣賞到沿途風光之外，就係與其他部門人士交流的好方法．當然有時還可以小睡片刻．
以前真係唔多機會去新界，依家真係日日都可以看到山水，唔單止我，同事有些都覺得始去旅行．
因為大家都會趕Shuttle
Bus的班次，所以無論上班下班，都係一個字”趕”，走了一班，等半小時，就遲到啦，或是放工，趕唔到一班車，就遲半小時回到家．
2007年9月14日--好上司
其實日日公司都會發生好多事，但係怕被人熟人睇到，所以都唔方便公開寫Blog，費事一傳十，十傳百，所以無論寫Blog，與朋友交談，都係講下食野，旅遊，電影電視，公司事，公司內了斷．唔係唔關心同事，對公司事亦都十分上心，但”講多無謂，解決最實際”，盡左力，解決唔到，都無辦法，唯有聽天由命，太強求，早就死左啦．部門主管大佬，佢好受氣，高層不斷”壓迫”佢，但佢都算唔錯，你做錯左，佢米分析番畀你聽，雖然佢有鬧過其他同事，女仔佢都有鬧過，但真係要體諒下佢既壓力．他鬧完個女同事，佢都會聽別人講番件事，再努力跟那位女同事多作溝通，依家佢地關係好左，大佬既好處，聽人講，努力改善同事之間的關係．正如大佬知我喜歡電影，都會找下電影既話題，聊一聊．
我曾經遞信要辭職，但聽完佢既理性分析，雖然我後悔無走到，我應該走既，但係依家咁忙，一走了之，又對唔住大佬，因為我知道佢都忍到我好辛苦，佢從來都唔鬧我，我有做錯過野，我內疚架，但他都不會罵我架，可能唔想畀壓力我啦，所以依家咁忙，人手唔夠，我唔走啦，大佬咁忍我，我都會體諒下佢既．大佬勤力同埋都係醒目仔，識野多，人面廣，但時不利兮，無辦法，希望佢越來越好啦，九月二十一日順利啦．
2006年10月5日
九月三十日，本來睇皮膚科醫生，因父親的腳太腫，所以皮膚科醫生要父親去看心臟科醫生，心臟科醫生幫父親用超聲波及心電圖檢查了心臟，又懷疑父親腳有血塊，結果我們去了Causeway Bay
一間私家醫院，因為跟住係假期，怕政府醫院無人幫父親檢查．私家醫院，住大房，但可以有人陪．我陪父親，加張床，那裡還有兩名病人，一位年輕人，一位剛做完手術的病人
晚七時辦完入院手續，原來父親正式入院，就不以再出街，我跟父親到附近快餐店，被醫院姑娘急Call，要回醫院，Daddy 笑說我們係 Prison Break .
但勝在Check 住病人，以防有突變．本來好擔心醫院好恐怖，聽得奇怪故事多，好彩沒任何事發生．
基本上，父親有肌肉發炎，右心發大及肺氣腫，但其他都正常．Daddy最怕打針，他覺得好痛．
可能私家醫院，所以自己打電話到醫院Canteen order, 味道幾好吃，種類多過我公司Canteen,
吃早餐及午餐，煙肉炒麵都唔油膩，好健康，幾好味．
在醫院陪伴父親，沒有離開過，Daddy話好彩有我陪佢解悶．我也跟做了手術的病人的太太傾了一陣．
十月一日，晚上七時我陪父親出院，因為醫生可以吃藥，父親就想立刻走．因為我可以陪他出院，他又不想再打針．
2006年7月17日
以前朱自清看著爸爸的背影，好感動，於是寫了一篇背影．我昨天看到父親跑來我面前拿著JD’s biography
DVD問我有沒有時，我都好感動T-T
昨天與父親行Causeway Bay
的HMV，我就立刻去找 21 Jump Street TV
Series（Season １and３）, I bought the second season from Central HMV and found that the TV
Series is very attractive , is about 少年罪犯，而我看到講愛滋童，好多青少年問題，又幾好笑，at
least better than HK TV Series．當我預備付錢時，父親從遠處跑來，他手裡拿著兩盒DVD，我知道他又想幫我付錢，他的心意，我了解，我等他跑來，當他跑到我面前，原來他拿著Jonny Depp Biography DVD , I was REALLy surprised , or astonished , my father is really really a good father , He GOT this DVD HK$205 for me , it is unbelievable , how did he get it , I really appreciate for what my father did , I was moved ^^
About 21 Jump Street :
I really impressed by JD “ Tom Hanson”, the
character is a Good cop , really care about the teenagers , a loyal friend
.
The Episode his girlfriend got killed , Hanson was obessed
by revenge.
訂閱：
意見 (Atom)