其實日日公司都會發生好多事，但係怕被人熟人睇到，所以都唔方便公開寫Blog，費事一傳十，十傳百，所以無論寫Blog，與朋友交談，都係講下食野，旅遊，電影電視，公司事，公司內了斷．唔係唔關心同事，對公司事亦都十分上心，但”講多無謂，解決最實際”，盡左力，解決唔到，都無辦法，唯有聽天由命，太強求，早就死左啦．部門主管大佬，佢好受氣，高層不斷”壓迫”佢，但佢都算唔錯，你做錯左，佢米分析番畀你聽，雖然佢有鬧過其他同事，女仔佢都有鬧過，但真係要體諒下佢既壓力．他鬧完個女同事，佢都會聽別人講番件事，再努力跟那位女同事多作溝通，依家佢地關係好左，大佬既好處，聽人講，努力改善同事之間的關係．正如大佬知我喜歡電影，都會找下電影既話題，聊一聊．
我曾經遞信要辭職，但聽完佢既理性分析，雖然我後悔無走到，我應該走既，但係依家咁忙，一走了之，又對唔住大佬，因為我知道佢都忍到我好辛苦，佢從來都唔鬧我，我有做錯過野，我內疚架，但他都不會罵我架，可能唔想畀壓力我啦，所以依家咁忙，人手唔夠，我唔走啦，大佬咁忍我，我都會體諒下佢既．大佬勤力同埋都係醒目仔，識野多，人面廣，但時不利兮，無辦法，希望佢越來越好啦，九月二十一日順利啦．
沒有留言:
張貼留言