星期一，公司裡全體員工（除了當值職員）都有參與默哀，心情是沉痛的．
有時候看到電視畫面，真係好想去四川當義工，幫手派物資畀人，照顧下人，都好啦！不過，父親唔準我去，佢擔心有餘震，有疫症．．．講真，每人都這麼想，邊個去救人呀！但我明白，父母點會想自己仔女冒險架．
星期一，亦是開始沒有J小姐的日子．J小姐係一位好可愛既靚妹，做了八個月part
time，為了更好既前程而辭職了，有她在，辦公室內會充滿笑聲，因為佢乜都夠膽講，為了娛樂大家，講有味笑話都唔尷尬，大笑大喊，性情中人．
昨天收到她的”醫貓”，佢寫了一段令我好感動既說話，佢好多謝我聽佢講心事，分擔佢既煩惱．說來慚愧，其實我沒有什麼可以幫到她．我只是一位好有耐性的聆聽者，我好樂意聽別人訴苦，可惜，我只會聽，但不懂得幫別人解決問題，以前阿N,
阿C又是不斷向我訴苦．．．．雖然她們都各奔前程，但我們還是有聯絡，有見面，我也是繼續我的聆聽者角色．．．如果上天可以給我多一點智慧就好了，幫助她們解決問題．
沒有留言:
張貼留言