今天放工，同大佬ｇ，ｋ小姐一起乘地鐵．大佬ｇ向我同ｋ小姐大吐苦水．
我知大佬ｇ慘既，我都同佢講，知道佢好難做．上有惡頂上司，下有唔體諒佢既下屬，仲有個好似我咁小孩性格既．．
大佬ｇ其實係一個好好既上司，好多麻煩野都幫你解決，又聽大家訴苦，係眾人既出氣袋，當然你做錯野，大佬ｇ當然也會罵你啦．不過，佢既紳士風度同埋肯幫人，加上有幽默感，當然受到好多人歡迎，雖然我都聽過有人批評佢．但無人係十全十美，每人都有有ｄ缺點架啦．
上星期，部門阿頭又跟別的部門”開火”，事件牽涉到我，阿頭話我”好心做壞事”．唉！好人難做．我深信”凡事去得太盡，緣份就會早盡’
我好唔開心．我跑去同大佬ｇ講，我辭職．其實我好想走，唔駛養家，無負擔，加上想放一個悠長假期，睇完”花好月圓”首二十集，才找別的工作，哈哈，好開心．想起就好開心，但人情債走唔到．．．
大佬ｇ又叫我唔好衝動，他想想辦法．
但大佬ｇ又出面，同阿頭講，當然大佬ｇ係用左佢自己既意思同阿頭講，阿頭當然亦唔想我為此事辭職，今個星期，阿頭對我態度好左．．．．
今天大佬ｇ又問我，好ｄ未？聽完大佬ｇ訴說佢自己既困難，我仲點敢加重佢負擔．我只答了”無野啦’．
沒有留言:
張貼留言