我勸DADDY睇皮膚專科, 都勸左好多次, 爸爸堅持繼續睇林醫生, 而林醫生醫到無辦法, 就想我DADDY入院, BUT 我覺得係米應該先睇左皮膚專科? 拖到依家DADDY嚴重左, 如果林醫生早D建議DADDY睇皮膚專科, 就唔駛搞到依家咁, 我都好無奈. 昨晚林醫生說DADDY不如都係入院, 我反建議睇專科, 因為DADDY最討厭入醫院. 林醫生最終說服DADDY睇專科. 拖到咁耐, 我好唔開心, 其實我覺得林醫生應該早點建議我DADDY睇專科. 我又唔可以話林醫生唔啱, 佢了解我DADDY, 專科及入醫院, DADDY都唔鍾意, 林醫生常說, 要睇DADDY 意願. 但今次, 我覺得林醫生實在太遲勸DADDY睇專科. 今天打電話預約了史泰祖醫生, 但最快都要下星期一上午十一時, 爸爸依家唯有食住林醫生開既消炎藥. 本來林醫生都介紹了一位皮膚科專家, 但由於數年前, 爸爸又是患有嚴重的皮膚病, 史醫生醫好佢, 爸爸信任史醫生.
已經夠心煩, 銀行負責基金賣買的職員不斷來電, 試圖游說爸爸和我買基金, 我地都拒絕左, 佢仲不厭其煩打電話來, 這就是電影"奪命金"所講, 職員要交QUOTA. 睇"奪命金", 銀行職員(何韻詩)向蘇杏璇SELL 基金那部份, 我地都遇過類似的情況, 不過, 我同爸爸就比較保守, 無論職員講到可以賺幾多, 利息如何優厚, 我地都唔會搏, 免得"貪"字得個貧.
沒有留言:
張貼留言