2012 9月9日

我個BLOG 唔講政事, 所以9月9日投票日, 我都唔會係BLOG講呢D 野.  不過, 我有兩位朋友就係點票站工作, 一個在香港仔, 一個在機場, 遲D 都會問番佢地有無趣事發生. 講番我D 生活逸事. 早上十點, 被街上大聲公吵醒, 助選團"掃街",  叫大家投票.  我都要起床, 皆因跟AC 約在柴灣地鐵站等, 我們去捧友人場, 友人參加了業餘劇團, 當一個業餘話劇成員.  相隔數年, 第二次來新翠商場, 到明星酒樓飲茶, 點心幾好吃. AC 則投訴之前去過九龍某酒樓, 點心差得很, 叉燒腸粉的叉燒肉好" 實" , 蝦餃皮又厚. 到青年廣場Y 劇場看 " 售氣帝國", 演員們好落力, 飾演老闆的冼振東, 肢體語言好勁. 我只係覺得個劇長左D. 講銷售策略MARKETING 宣傳幾好笑.  某D位幾無里頭, 講緊SELL 淨化了的清新空氣, 奸商唯利是圖, 但忽然有幕天氣報告, 完全格格不入, 天氣女郎努力搞笑, 說有陣不羈的風, 然後唱歌, 但現場觀眾係無乜反應既.  原來就算睇話劇, 都有人會用電話, 睇MESSAGE, 仲要睇幾次, 個MON 好光架麻. 有少少影響我囉!