星期五晚, 無食晚飯, 同爸爸去左Cafe One吃了一個宵夜自助餐, 每位$188. 唔係好抵食, 不過都叫做任你食. 我同阿爸都係眼闊肚窄之人, 食得唔多, 好蝕低. 只係我地一時貪高興, 走去食. 而星期六晚, 我地去左 "Spagetti 360" 吃了一頓豐富既晚餐, 呢餐我覺得好抵食喎! 我地叫左個二百多元既套餐, 包括胡麻番茄沙律( 少許酸, 吃了好開胃 ), 黑松露帶子忌廉湯 (入口香滑, 但忌廉湯會令人增磅! ), 羊排 (七成熟, 伴以甜芥醬, 口感好好!), 石紙焗洋蔥雞肉丸 (略嫌肉丸沒有太多洋蔥味, 醬汁清淡, 但洋蔥好吃!) 芝士蟹柳焗意粉 (呢個就好一般) , 另外加多20元, 吃了一個蕉糖榛子果仁批伴雪糕, 個批鬆化到不得了, 入口即溶, 雖然加了蕉糖, 但唔係太甜, 好食到唔停得口.
然後, 我地去左Pacific Coffee, 因為爸爸愛喝咖啡 . 我地絕對係Starbuck , Pacific Coffee既常客. 最搞笑係, 幾年前回祖國旅遊, 我地去埋無錫, 杭州, 上海既Starbuck. 昨晚去Pacific Coffee, 店員游說我們買咖啡杯配以音樂盒, 爸爸覺得個音樂盒好有趣, 於是買下來. 買了有一杯飲品送, 但我地係常客 , 店員送左2杯飲品畀我地, 好多謝佢 !!! 除左杯, 爸爸仲買左曲奇餅, 我地好喜歡吃PC 既曲奇餅, 純粹個人喜好. PC曲奇餅多麥少牛油. 買夠150元, 還有一個月曆送. 雖然月曆內, 每幅圖片都是關於咖啡, 圖片色調柔和, 看起來很舒服! 印象最深刻的一幅圖片是, 咖啡杯旁伴著一隻三翼古老飛機, 兩者風馬牛不相及, 究竟是隨便找來的道具, 還是有意思的呢??
沒有留言:
張貼留言