2012年1月3日 記鎖碎事情

1月1日, 天與地2小時結局 ! 本來想寫下對天與地結局既感想, 但真係太多感觸, 唔知點寫, 好精彩既兩集結局, 好多人都讚. 而收視又去到3字, 平均30點, 最高35, 還要之前, 有人已把結局放上網. 今日蘋果日報及明報都有讚個結局, 稱得上完滿結束.

12月31日, 同爸爸在CWB倒數, 踏入2012, 可口可樂在街上派COKE ZERO. 人人有份, 永不落空. 1月1日, 跟老友P在波蘿蜜吃齋, 真係好有質感, 味道甚佳, 估唔到D素乳豬, 仿真度好高, 人造乳豬皮口感非常好, 味道質感都像極乳豬, 那碟豉椒牛柳, 都好有牛肉質感.  老友向我大吐苦水, 她真的好無奈, 如果命運能選擇.....可能佢八年前就唔會做出某個決定. 令到佢八年黎, 壓力越黎越大, 自我價值越來越低同沮喪.  本來, 我都好擔心, 幸好, 生活總有希望, 好人有好報, 1月3日今天, 她給我電話, 傳來一個好消息. 她終於行運, 她開心之餘, 我都好興奮! 希望繼續好下去.


1月2日 對我黎講, 亦都係睇電影日, 下午跟友人CN 去睇 "翻身動物園", 晚上同爸爸睇 "潛罪犯". "潛罪犯" 講埋D, 我唔知係道理, 或是歪理, 什麼 "犯法唔係犯罪",  "所有革命都係由罪犯開始 ", 最後LAUGHING 被警察誤會了, 開槍掃射, 真米想證實個D 理論 ?   晚上, 我收到一個好消息,  友人送了一份用錢都買唔到既心意給我^^   好感恩, 1月真係充滿驚喜!