PC in CWB 及好友V

香港寸金尺土, PC 願意在銅鑼灣這鬧市內, 開一間如此格局的咖啡店, 實在難得.  地方寬敞, 沒有密集的台椅, 沒有PC 公式的設計, 有專為咖啡愛好者而設的"fresh roast" black coffee 角落. 我很喜歡在這種環境去享受一杯咖啡. 而那些新增小吃, 炸雞翼, 薯條, 迎合了很多顧客口味.  

我的小學同學兼好友V從加拿大回來, 大家夾時間, 終於只有8月25日下午3:00-7:30 . 幾年才見一次面, 時間真係唔夠囉! 話題多到講唔完. V 好注重健康, 我地由吃食物開始話題. V 提到blueberry , 蕃茄可以防癌, 玫瑰花茶令血液運行好一點......

跟住講到依家香港教育, V 話依家D 小一入學好" 厲害" , 面試"履歷"已經好勁, 去日本做義工啦, 已經去過邊個國家旅遊啦, V 笑說: " 在香港賣旗都已經唔算係D乜. 如果要考大學,  看來都要去火星勘察."  我笑說: " 要衝出宇宙". 依家D學生, 無論學習啦, 物質啦, 都要大比併, V就想起我地讀小學既時候, 有D 同學好愛SHOW OFF, 而她曾經見過有同學沒有某款錶而哭, 有的又向V SHOW OFF, V 不屑跟這班人為友, V 用" 自我" 來形容自己. 我反而覺得V年紀小小已經好有自己的想法, 不愛隨波逐流, 她不需要別人來肯定自己的價值.

V修讀建築, 講起她參與加拿大原居民起醫院既情況, 他們有他們的習俗, 所以門口不可以亂開, 猶如我們的風水, 但某程度上, 會影響建築條例. 我聽V 講那醫院位處森林, 有狼叫, 有鷹在天空飛翔, 我同V都覺得夜晚會幾嚇人. 她又講起新開既商場滴水, 她已向那商場職員反映意見, 下? 剛剛開幕, 咁快滴水?? 佢又提到佢修讀建築時候的趣聞. V 愛模型, 我帶佢去模型舖逛逛. 在SOGO 11樓吃晚飯, 可惜, 因為我之前已經答應左朋友要了張演唱會飛, 結果我要先走, 趕去紅館.

PS: V 送了一個dream catcher的電話繩給我, 她說覺得我會喜歡, 事實我真的很喜歡那些原住民的手工藝.