2011年2月2日 年三十晚

今天買金銀，齋，拜神．在燒金銀的時候，燒傷了左手一小撮（大姆指與食指之間的肉），好彩家有燙火膏．拜完神同爸爸去睇醫生，爸爸隻腳又腫左，我覺得同佢食得太多喊野有關．醫生就開左胃藥畀我，消化藥竟然係朱古力味架！醫生係米開左ｄ朱古力豆當胃藥俾我．

在SPAGETTI 360 吃DINNER, 這些裝飾, 令我想起FF 送給林生的禮物.晚上本來想睇電影，爆哂！於是在ｐｃ上了一陣網．之後去左 "佐丹奴"買衫. 紙袋及利是封都係"我愛香港"電影宣傳. 爸爸好喜歡呢個紙袋, 因為他很喜歡電影宣傳紀念品.

團年飯的IQ題

2011年2月1日 

吃團年飯前, 家中暖風機壞了, 急忙與父親去買一部, 否則父親捱不了這麼冷的天氣.

昨晚跟親戚吃團年飯, 我揀左坐三叔婆隔離, 因為我細個, 佢已經好錫我.  今年團年飯, 表姐G 揀了老字號酒樓, 她說依家D舊式酒樓已經好少了,  所以要黎食下, 酒樓真係迫爆, 因為太多人吃團年飯了. 見到表哥A, 病了, 頭上又添了很多白髮, 表哥不再年輕了.

今次的菜餚, 有兩道菜是我年幼的時候好喜歡吃, 現在好少機會吃, 就是鴿鬆生菜包, 炒鮮奶, 好味! 而一道時常都有機會吃的炸子雞,  D 雞肉阿嫰滑.   

表嬸C好搞笑,  竟然預備了20條爛GAG IQ 題給我們, 有些答案真的爛到呢.....表嫂H笑言要掟雞蛋. 而數學題, 大家都叫SKIP 左佢. 哈哈, 原來大家都怕數學. 

分享幾條表嬸C既爛GAG IQ題:

1. 拿破倫被什麼殺死?

2. 最長既公園 , 猜香港一個地區名.

3. 大雄被罰脆, 多啦A夢用什麼法寶幫助大雄?

4. 李雲迪最不喜歡用什麼牌子理髮用品?

除左吃飯, 仲收到利是, 同禮物. 

佛渡有緣人

2011年1月27日

朋友A (一名佛教徒): "佛理很簡單, 你容易明白, 關鍵在於你能夠做到與否."

朋友B (沒有信仰), 看了數頁佛教書籍:" 書裡寫一些道理, 我本身已經明白了, 沒什麼特別." 所以朋友B, 沒有心機看下去.

朋友C (不是佛教徒) 我介紹了她看一本佛教書籍, 她看了三分一, 就好興奮告訴我: "這本書對我影響深遠, 我只是看了三分一, 已不斷找尋其他佛教書籍, 還有道場, 最重要是<修心>!不是求什麼."

對我而言, 佛理是幫助我們調節心靈,正如朋友C 所說"修心". "佛渡有緣人", 所謂有緣者,不一定是佛教徒, 只要你接受佛理, 就可以, 不關乎什麼宗教信仰, 朋友C 就是一個例子. 如果你認為, 其他宗教, 都有這些道理, 或是根本不用學佛理, 也懂得這些, 只好說句暫時與佛無緣. 

而我呢, 哈哈, 只明白那些最簡單的佛理,深奧的那些就不行了 . 不過, 最簡單的, 我都未能做到囉! 慚愧!  我會把一些佛理, 套入生活經歷之中, 令自己可以輕鬆一點. 雖然不是真的可以全部放下, 依然我執, 但比起以往, 開懷一點, 自在一點!  

如果我把一首純佛理歌曲, 放在自己BLOG, 我自己都怕悶, 我只是一名俗世凡人, 都係用<新少林寺>那首主題曲<悟>,  講真, <悟>入面的佛理, 我都未做得到喔! 

2011年1月11日

本來街口, 已有24小時便利店, 24小時茶餐廳, 深夜也會有"光", 也會有野食, 依家多了一間開至零晨兩至三點的串燒店,  而本來晚上八時許收舖的小食店, 最近竟然又營業至零晨時分, 在近日寒冷的晚上, 寂靜的街道中,   帶來了"光" 及"人氣", 深夜回家, 也添一份熱鬧 !  但他們面對寒風做生意, 也很是辛苦. 

父親隻腳又傷了, 除了按時給父親吃藥, 還會幫他抹一下傷處, 消毒, 曾幾何時, 父親有腳患, 我又是幫父親包紮.  

1月8日

近日收到, BC 朋友們的EMAIL, 他們想約二月出來聚會, 已經很久沒有見他們了, 認識左十幾年, 由於各有各忙, 我們已經有兩年沒有搞聚會.

收到TC表叔的EMAIL, 上次跟表叔談及他在內地的水利工程, 他知道我感興趣, 於是SEND了好多照片給我看, 仲話要燒碟畀我. 看到一張黃河河床輸水隧道...我覺得真係好厲害, 好偉大的工程. 黃河水滔滔, 竟然可以在河床建設輸水隧道, 勁!!

1月8日, 寫BLOG的今天, 很好開心, 可以同好友S 再到甜蜜蜜新生咖啡店. 介紹S喝了古坑CAFE,  油子蛋糕, 我們更吃了餃子及公司三文治. 希望每一個月, 都可以同S 有一次聚會. 我們不僅是同學, 更是同鄉, 真係好有緣, 才可以維持到這麼多年的友誼  

今次吃到<雪化妝>, 愛吃栗子的朋友一定要試下, 味道清淡, 但富有栗子味道!

2011年1月2日

今日下午約了多倫多回來的RC, 及 P, 阿妹(只坐了一回), 吃日本東西.  RC談起失行李的經歷, 替她辛苦. TEA TIME. 我同CYA約了廣州來的M,RA吃地道香港茶餐廳. "金X餐室", 好懷舊FEEL, 我吃蕃茄魚, 好香港舊式蕃茄汁煮法, 但我好喜歡, 不太酸, 帶甜的味道. 我們行了一陣旺角. 之後他們去看UNFORGETTABLE CONCERT. 我跟CYA去圓方吃DINNER . 在月XX, 點了雞翼, 鯪魚球, 雞粥, 蝦膠魚肉. 最喜歡是那一碗雞粥. 看10:00 "挪威的森林", 以前聽過好多次村上春樹的呢本書, 但我無睇過. 而呢部電影, 睇左一D介紹, 電影應該刪左好多小說情節. 感想是, 一部描寫深入的愛情故事, 但感覺又唔係太強烈. 始終看了這麼多愛情片的我, 真係唔覺得呢部特別. 只覺得畫面美, 配樂幾有MOOD!

2011年1月1日

元旦約了朋友到尖沙咀, 在廣東道, 巧遇百獅群舞, 皆因"龍獅節", 龍及獅群集齊舞, 誓要打破健力士紀錄.  元旦, 跟友人PT約在廣東道見, 剛巧碰上龍獅子, 群獅在舞! 在台灣牛肉麵吃LUNCH, 小食併盤,蜜汁骨, 鹵肉飯.然後行去1881, 拍照.再去之前PT去過的以"鄧麗君"為主題的CAFE--甜蜜蜜新生咖啡店. 這咖啡店, 有介紹鄧麗君的書籍, 內有她的童年照片, 又有紀念品, 而有鄧麗君音樂的音樂盒卻已賣光.而PT推介的古坑咖啡, 我只呷了一口, 因為我怕胃不舒服, 很香滑的咖啡 . 那裡的有機柚子蛋糕好好味. 藍莓CHEESECAKE都不錯.